2025-04-29 00:40
ﺩﻋﺎﮐﮯ ﺳﻠﺴﻠﮧ ﻣﯿﮟ ﺍﻟﻠﮧ ﺭﺏ ﺍﻟﻌﺰﺕ ﮐﺎﻓﺮﻣﺎﻥ
ﺍﺩْﻋُﻮﺍ ﺭَﺑَّﻜُﻢْ ﺗَﻀَﺮُّﻋًﺎ ﻭَﺧُﻔْﻴَﺔً ﺇِﻧَّﻪُ ﻟَﺎ ﻳُﺤِﺐُّ ﺍﻟْﻤُﻌْﺘَﺪِﻳﻦَ
( ﺍﻻﻋﺮﺍﻑ : ۵۵ )
ﺗﺮﺟﻤﮧ : ﺗﻢ ﺍﭘﻨﮯ ﺭﺏ ﺳﮯ ﺗﻀﺮﻉ ﻇﺎﮨﺮ ﮐﺮﺗﮯ ﮨﻮﺋﮯ ﺍﻭﺭﭼﭙﮑﮯ ﺳﮯ ﺩﻋﺎ
ﮐﯿﺎ ﮐﺮﻭ، ﺍﻟﻠﮧ ﺗﻌﺎﻟﯽ ﺍﻥ ﻟﻮﮔﻮﮞ ﮐﻮ ﭘﺴﻨﺪ ﻧﮩﯿﮟ ﻓﺮﻣﺎﺗﮯ ﺟﻮ ﺣﺪ ﺳﮯ ﻧﮑﻞ
ﺟﺎﻧﮯ ﻭﺍﻟﮯ ﮨﯿﮟ۔
ﺍﺱ ﺍٓﯾﺖ ﻣﯿﮟ ﺧﺪﺍ ﻭﻧﺪ ﻗﺪﻭﺱ ﻧﮯ ﻧﮩﺎﯾﺖ ﮨﯽ ﺗﻀﺮﻉ ﻭﺗﺨﺸﻊ ﻋﺎﺟﺰﯼ
ﺍﻭﺭﺫﻟﺖ ﮐﮯ ﺳﺎﺗﮫ ﺩﻋﺎﺀ ﮐﺎ ﺣﮑﻢ ﺩﯾﺎ، ﯾﮩﯽ ﺑﻨﺪﮦ ﮐﺎ ﺍﻟﻠﮧ ﭘﺎﮎ ﮐﮯ ﻧﺰﺩﯾﮏ
ﻗﯿﻤﺘﯽ ﺳﺮﻣﺎﯾﮧ ﮨﮯ،ﺩﻋﺎﺀ ﮐﮯ ﯾﮧ ﺩﻭ ﺍﮨﻢ ﺍٓﺩﺍﺏ ﮨﯿﮟ ﺟﻮ ﺍﺱ ﻣﯿﮟ ﻣﺬﮐﻮﺭ
ﮨﯿﮟ ﺗﻀﺮﻉ ﺍﻭﺭﺍﺧﻔﺎﺀ۔
ﺣﻀﺮﺕ ﺣﺴﻦ ﺑﺼﺮﯼ ؒ ﻓﺮﻣﺎﺗﮯ ﮨﯿﮟ ﺍٓﮨﺴﺘﮧ ﺍﻭﺭ ﭘﺴﺖ ﺍٓﻭﺍﺯ ﺳﮯ ﺩﻋﺎﺀ
ﮐﺮﻧﮯ ﻣﯿﮟ ۷۰ ﺩﺭﺟﮧ ﻓﻀﯿﻠﺖ ﮨﮯ ﺑﻤﻘﺎﺑﻠﮧ ﺟﮩﺮ ﮐﮯ۔
( ﻣﻈﮩﺮﯼ : ۳ /۳۶۱ )
ﺍﺣﮑﺎﻡ ﺍﻟﻘﺮﺍٓﻥ ﻣﯿﮟ ﺟﺼﺎﺹ ؒ ﻧﮯ ﺍﺱ ﺍٓﯾﺖ ﮐﮯ ﺗﺤﺖ ﻟﮑﮭﺎ ﮨﮯ ﮐﮧ ﺍٓﮨﺴﺘﮧ
ﺩﻋﺎﺀ ﻣﺎﻧﮕﻨﺎ ﺑﮧ ﻧﺴﺒﺖ ﺍﻇﮩﺎﺭ ﮐﮯ ﺍﻓﻀﻞ ﮨﮯ،ﺣﺴﻦ ﺑﺼﺮﯼؒ ﺍﻭﺭﺍﺑﻦ ﻋﺒﺎﺱ
ﺳﮯ ﺑﮭﯽ ﯾﮩﯽ ﻣﻨﻘﻮﻝ ﮨﮯ۔
( ﻣﻈﮩﺮﯼ : ۳ /۳۴ )
ﺍﻟﺒﺘﮧ ﺗﻌﻠﯿﻤﺎً ﮐﮧ ﺩﻋﺎﺀ ﮐﺮﻧﮯ ﮐﺎ ﻃﺮﯾﻘﮧ ﺍٓﺟﺎﺋﮯ ﺩﻋﺎﺋﯿﮧ ﮐﻠﻤﺎﺕ ﻣﻌﻠﻮﻡ
ﮨﻮﺟﺎﺋﯿﮟ،ﺟﮩﺮ ﻣﯿﮟ ﮐﻮﺋﯽ ﻗﺒﺎﺣﺖ ﻧﮩﯿﮟ، ﺍﺱ ﻃﺮﺡ ﺑﻌﺾ ﻣﻮﻗﻌﻮﮞ ﭘﺮ ﺟﮩﺮ
ﮐﯽ ﺑﮭﯽ ﺍﺟﺎﺯﺕ ﮨﮯ۔
ﻣﻌﺎﺭﻑ ﺍﻟﻘﺮﺍٓﻥ ﻣﯿﮟ ﮨﮯ "ﮐﺴﯽ ﺧﺎﺹ ﻣﻮﻗﻊ ﭘﺮ ﺧﺎﺹ ﺩﻋﺎﺀ ﭘﻮﺭﯼ ﺟﻤﺎﻋﺖ
ﺳﮯ ﮐﺮﺍﻧﺎ ﻣﻘﺼﻮﺩ ﮨﻮ ﺍﯾﺴﮯ ﻣﻮﻗﻊ ﭘﺮ ﺍﯾﮏ ﺍٓﺩﻣﯽ ﮐﺴﯽ ﻗﺪﺭ ﺑﻠﻨﺪ ﺍٓﻭﺍﺯ
ﺳﮯ ﺩﻋﺎ ﮐﮯ ﺍﻟﻔﺎﻅ ﮐﮩﮯ ﺍﻭﺭ ﺩﻭﺳﺮﮮ ﺍٓﻣﯿﻦ ﮐﮩﮯ،ﺍﺱ ﮐﺎ ﻣﻀﺎﺋﻘﮧ ﻧﮩﯿﮟ۔
( ﻣﻈﮩﺮﯼ : ۳ /۵۷۸ )
ﺍﻟﻠﮧ ﺗﻌﺎﻟﯽ ﮐﯽ ﺟﺎﻧﺐ ﺳﮯ ﻗﺒﻮﻟﯿﺖ ﺩﻋﺎ ﮐﺎ ﻭﻋﺪﮦ
ﻗﺒﻮﻟﯿﺖ ﺩﻋﺎﺀ ﮐﮯ ﺳﻠﺴﻠﮯ ﻣﯿﮟ ﺍﺭﺷﺎﺩ ﺧﺪﺍﻭﻧﺪﯼ ﮨﮯ
ﻭَﺇِﺫَﺍ ﺳَﺄَﻟَﮏَ ﻋِﺒَﺎﺩِﻱ ﻋَﻨِّﻲ ﻓَﺈِﻧِّﻲ ﻗَﺮِﻳﺐٌ ﺃُﺟِﻴﺐُ ﺩَﻋْﻮَﺓَ ﺍﻟﺪَّﺍﻉِ ﺇِﺫَﺍ ﺩَﻋَﺎﻥِ
ﻓَﻠْﻴَﺴْﺘَﺠِﻴﺒُﻮﺍ ﻟِﻲ ﻭَﻟْﻴُﺆْﻣِﻨُﻮﺍ ﺑِﻲ ﻟَﻌَﻠَّﻬُﻢْ ﻳَﺮْﺷُﺪُﻭﻥَ
( ﺍﻟﺒﻘﺮۃ :۱۸۶ )
ﺗﺮﺟﻤﮧ : ﺍﻭﺭﻣﯿﺮﮮ ﺑﻨﺪﮮ ﺟﺐ ﺍٓﭖ ﷺ ﺳﮯ ﻣﯿﺮﮮ ﻣﺘﻌﻠﻖ ﺳﻮﺍﻝ ﮐﺮﯾﮟ ﺗﻮ
ﺍٓﭖ ﻣﯿﺮﯼ ﻃﺮﻑ ﺳﮯ ﻓﺮﻣﺎﺩﯾﺠﺌﮯ ﮐﮧ ﻣﯿﮟ ﻗﺮﯾﺐ ﮨﯽ ﮨﻮﮞ، ﺩﻋﺎﺀ ﮐﺮﻧﮯ
ﻭﺍﻟﮯ ﮐﯽ ﺩﻋﺎﺀ ﮐﻮ ﻗﺒﻮﻝ ﮐﺮﺗﺎ ﮨﻮﮞ ﺟﺐ ﻭﮦ ﺩﻋﺎﺀ ﮐﺮﺗﺎ ﮨﮯ،ﻣﯿﺮﺍ ﺣﮑﻢ ﻭﮦ
ﻗﺒﻮﻝ ﮐﺮﯾﮟ،ﻣﺠﮫ ﭘﺮ ﯾﻘﯿﻦ ﮐﺮﯾﮟ،ﺷﺎﯾﺪ ﻭﮦ ﮐﺎﻣﯿﺎﺏ ﮨﻮﺟﺎﺋﯿﮟ۔
ﺣﻀﺮﺕ ﻋﻠﯽ ﮐﺮﻡ ﺍﻟﻠﮧ ﻭﺟﮩﮧ ﺳﮯ ﻣﺮﻭﯼ ﮨﮯ ﮐﮧ ﺍٓﭖ ﷺﻧﮯ ﻓﺮﻣﺎﯾﺎ :
ﺩﻋﺎﺀ ﺳﮯ ﻣﺖ ﮔﮭﺒﺮﺍﻭٔ ﺍﻟﻠﮧ ﭘﺎﮎ ﻧﮯ ﮨﻢ ﭘﺮ ﯾﮧ ﺍٓﯾﺖ ﺍﺗﺎﺭﯼ ﮨﮯ " ﺍﺩْﻋُﻮﻧِﻲ
ﺃَﺳْﺘَﺠِﺐْ ﻟَﻜُﻢْ" ﺗﻮ ﺣﻀﺮﺍﺕ ﺻﺤﺎﺑﮧ ﻧﮯ ﮐﮩﺎ ﮨﻤﯿﮟ ﻧﮩﯿﮟ ﻣﻌﻠﻮﻡ ﮐﺲ ﻭﻗﺖ
ﺩﻋﺎﺀ ﮐﺮﯾﮟ ﺗﻮ ﺍﻟﻠﮧ ﭘﺎﮎ ﻧﮯ ﯾﮧ ﺍٓﯾﺖ ﺍﺗﺎﺭﯼ،
( ﻣﻈﮩﺮﯼ : ۱ /۲۰۰ )
ﯾﻌﻨﯽ ﺟﺐ ﺑﮭﯽ ﺑﻨﺪﮮ ﺩﻋﺎﺀ ﮐﺮﯾﮟ ﮔﮯ ﮨﻤﯿﮟ ﻗﺮﯾﺐ ﭘﺎﺋﯿﮟ ﮔﮯ۔
ﺩﻋﺎﺀ ﺳﮯ ﺗﮑﺒﺮﮐﺮﻧﮯ ﻭﺍﻟﮯ ﮐﺎ ﺍﻧﺠﺎﻡ ﺩﻭﺯﺥ
ﺩﻋﺎﺀ ﮐﺎﺣﮑﻢ ﺍﻭﺭﺍﺱ ﺳﮯ ﺗﮑﺒﺮ ﻭﺍﻋﺮﺍﺽ ﭘﺮ ﺟﮩﻨﻢ ﺍﻧﺠﺎﻡ ﮨﻮﻧﮯ ﭘﺮ ﺍﺭﺷﺎﺩ
ﺧﺪﺍﻭﻧﺪﯼ :
ﻭَﻗَﺎﻝَ ﺭَﺑُّﻜُﻢُ ﺍﺩْﻋُﻮﻧِﻲ ﺃَﺳْﺘَﺠِﺐْ ﻟَﻜُﻢْ ﺇِﻥَّ ﺍﻟَّﺬِﻳﻦَ ﻳَﺴْﺘَﻜْﺒِﺮُﻭﻥَ ﻋَﻦْ ﻋِﺒَﺎﺩَﺗِﻲ
ﺳَﻴَﺪْﺧُﻠُﻮﻥَ ﺟَﻬَﻨَّﻢَ ﺩَﺍﺧِﺮِﻳﻦَ
(ﻏﺎﻓﺮ : ۶۰ )
ﺗﺮﺟﻤﮧ : ﺗﻤﮩﺎﺭﮮ ﺭﺏ ﮐﺎ ﺣﮑﻢ ﻭﻓﺮﻣﺎﻥ ﮨﮯ،ﻣﺠﮫ ﺳﮯ ﺩﻋﺎﺀ ﮐﺮﻭ ﻣﯿﮟ ﻗﺒﻮﻝ
ﮐﺮﻭﮞ ﮔﺎ،ﺟﻮ ﻟﻮﮒ ﻣﯿﺮﯼ ﻋﺒﺎﺩﺕ ( ﺩﻋﺎﺀ ﺳﮯ ﮐﮧ ﯾﮧ ﺑﮭﯽ ﻋﺒﺎﺩﺕ ﮨﮯ )
ﺗﮑﺒﺮ ﻭﺍﻋﺮﺍﺽ ﮐﺮﺗﮯ ﮨﯿﮟ ﺫﻟﺖ ﻭﺧﻮﺍﺭﯼ ﮐﮯ ﺳﺎﺗﮫ ﺟﮩﻨﻢ ﻣﯿﮟ ﺩﺍﺧﻞ ﮨﻮﮞ
ﮔﮯ۔
ﻣﻄﻠﺐ ﯾﮧ ﮨﮯ ﮐﮧ ﺟﻮ ﺷﺨﺺ ﺩﻋﺎﺀ ﺍﻭﺭﺍﻟﻠﮧ ﭘﺮ ﯾﻘﯿﻦ ﻧﮧ ﮨﻮﻧﮯ ﮐﯽ ﻭﺟﮧ
ﺳﮯ ﺩﻋﺎﺀ ﺳﮯ ﮔﺮﯾﺰ ﮐﺮﺗﺎ ﮨﮯ ﺍﭘﻨﯽ ﺣﺎﺟﺖ ﮐﮯ ﺍﻗﺮﺍﺭ ﺍﻭﺭ ﭘﯿﺶ ﮐﺮﻧﮯ
ﮐﻮ ﺧﻼﻑ ﺷﺎﻥ ﺳﻤﺠﮭﺘﺎ ﮨﮯ ﺟﻮ ﺗﮑﺒﺮ ﺍﻭﺭﺑﮯ ﻧﯿﺎﺯﯼ ﭘﺮ ﻣﺘﻔﺮﻉ ﮨﮯ،ﺍﯾﺴﮯ
ﺷﺨﺺ ﮐﻮ ﺧﺪﺍﻭﻧﺪ ﻗﺪﻭﺱ ﺫﻟﺖ ﻭﺧﻮﺍﺭﯼ ﮐﮯ ﺳﺎﺗﮫ ﺩﻭﺯﺥ ﻣﯿﮟ ﮈﺍﻟﯿﮟ ﮔﮯ۔
ﭘﺮﯾﺸﺎﻥ ﺣﺎﻝ ﮐﯽ ﺩﻋﺎﺀ ﺍﻟﻠﮧ ﮨﯽ ﻗﺒﻮﻝ ﻓﺮﻣﺎﺗﮯ ﮨﯿﮟ
ﻣﻀﻄﺮ ﺑﮯ ﮐﺲ ﻭ ﻣﺠﺒﻮﺭ ﮐﯽ ﺩﻋﺎﺀ ﮐﮯ ﻗﺒﻮﻝ ﮨﻮﻧﮯ ﮐﮯ ﻣﺘﻌﻠﻖ ﺍﺭﺷﺎﺩ
ﺍﻟﮩﯽ ﮨﮯ :
ﺃَﻣَّﻦْ ﻳُﺠِﻴﺐُ ﺍﻟْﻤُﻀْﻄَﺮَّ ﺇِﺫَﺍ ﺩَﻋَﺎﻩُ ﻭَﻳَﻜْﺸِﻒُ ﺍﻟﺴُّﻮﺀَ ﻭَﻳَﺠْﻌَﻠُﻜُﻢْ ﺧُﻠَﻔَﺎﺀَ ﺍﻟْﺄَﺭْﺽِ ﺃَﺍِﻟٰﮧَ
ﻣَﻊَ ﺍﻟﻠَّﻪِ ﻗَﻠِﻴﻠًﺎ ﻣَﺎ ﺗَﺬَﻛَّﺮُﻭﻥَ
(ﺍﻟﻨﻤﻞ : ۶۲ )
ﺗﺮﺟﻤﮧ : ﮐﻮﻥ ﮨﮯ ﺟﻮ ﺑﮯ ﮐﺲ ﻭ ﻣﻀﻄﺮ ﮐﯽ ﭘﺮﯾﺸﺎﻧﯿﻮﮞ ﮐﻮ ﺩﻭﺭ ﮐﺮﺗﺎ ﮨﮯ
ﺟﺐ ﻭﮦ ( ﺍﺱ ﺳﮯ ) ﺩﻋﺎﺀ ﮐﺮﺗﺎ ﮨﮯ ﺍﻭﺭ ﺗﻢ ﮐﻮ ﺯﻣﯿﻦ ﭘﺮ ﺧﻠﯿﻔﮧ ( ﻣﺘﺼﺮﻑ )
ﺑﻨﺎﺗﺎ ﮨﮯ ،ﮐﯿﺎ ﺍﺱ ﮐﮯ ﺳﺎﺗﮫ ﮐﻮﺋﯽ ﻣﻌﺒﻮﺩ ﺷﺮﯾﮏ ﮨﮯ،ﮐﻢ ﮨﯽ ﻟﻮﮒ
ﻧﺼﯿﺤﺖ ﻗﺒﻮﻝ ﮐﺮﺗﮯ ﮨﯿﮟ۔
ﻓﺎﺋﺪﮦ: ﯾﻌﻨﯽ ﻣﻀﻄﺮ ﻭﺑﮯ ﮐﺲ ﻭ ﺑﮯ ﺳﮩﺎﺭﺍ ﻟﻮﮔﻮﮞ ﮐﯽ ﭘﺮﯾﺸﺎﻧﯿﻮﮞ ﮐﻮ
ﮐﻮﻥ ﺩﻭﺭ ﮐﺮﺗﺎ ﮨﮯ،ﺍﯾﺴﻮﮞ ﮐﯽ ﺩﻋﺎﻭٔﮞ ﮐﻮ ﺻﺮﻑ ﺍﻟﻠﮧ ﭘﺎﮎ ﮨﯽ ﻗﺒﻮﻝ
ﻓﺮﻣﺎﺗﮯ ﮨﯿﮟ،ﻭﮨﯽ ﺣﻮﺍﺩﺙ ﻣﺼﺎﺋﺐ ﮐﻮ ﺍﻥ ﺳﮯ ﺩﻭﺭ ﮐﺮﺗﮯ ﮨﯿﮟ،ﺍﺱ ﺳﮯ
ﻣﻌﻠﻮﻡ ﮨﻮﺍ ﮐﮧ ﻣﻀﻄﺮ ﮐﯽ ﺩﻋﺎﺀ ﮐﻮ ﺧﺼﻮﺻﯽ ﻃﻮﺭ ﭘﺮ ﺧﺪﺍ ﻭﻧﺪ ﻗﺪﻭﺱ
ﻗﺒﻮﻝ ﻓﺮﻣﺎﺗﮯ ﮨﯿﮟ،ﺍﺣﺎﺩﯾﺚ ﻣﯿﮟ ﺑﮭﯽ ﺍﯾﺴﻮﮞ ﮐﯽ ﺩﻋﺎﺀ ﮐﯽ ﻗﺒﻮ ﻟﯿﺖ ﮐﺎ
ﺫﮐﺮ ہے
Contact Feedback
visitors counter
modify time
2014-11-06 13:211
Copyright © 2010 - 2015 Tasawwuf - The Islamic Science of
Spirituality (Sufism)
